The Philippine Online Chronicles

Eto na siguro ang tinatanong ng maraming tao ngayon. Ano na Chiz? Pagkatapos mo iwan yung partido mo, ano na gagawin mo? Kaya yan ang isa sa mga pinaka-unang tanong namin nung nakaraang blogger session sa kanya na ginanap sa Annabelle's Restaurant sa Tomas Morato nung November 7, 2009.  Ngunit imbes na maliwanagan, mas lalo pa kami naguluhan!

Ano na ba talaga plano? Presidente, Bise-Presidente, mag endorse ng ibang kandidato, o tama na? Yan ang mga pwedeng gawin ni Senador Chiz. Sa kanyang paliwanag sa amin, wala pa talagang sigurado ngayon. Di pa talaga niya alam kung ano ang gusto niya gawin. Gusto pa rin daw niya maging Presidente, pero di pa talaga niya alam kung sa 2010 ba or baka naman sa 2016 o 2022.  Kung iisipin mo nga naman, bata pa talaga 'tong si Chiz. 40 pa lang siya ngayon. Sabihin natin sa 2016 siya tumakbo, 46 pa lang siya nun. Kung sa 2022 naman, 52 pa lang siya. Mahaba haba pa ang pwedeng maging panahon ng kanyang career sa politics.

Sa tanong na kung gusto niya maging Bise Presidente, malinaw na malabo na niya ito gagawin. Hindi siya pwede sa Liberal Party, dahil nandun na si Senador Mar Roxas. Inamin niya rin sa amin na di siya pwede sa partido ni former President Estrada dahil nandun na rin si Binay. Mas malabo naman na makita natin si Chiz na running mate ni Villar o ni Gibo.

Kung hindi President o Bise Presidente, ano pa kaya pwede niya gawin? Pwede kaya manahimik na lang siya? Ayon kay Chiz, pwedeng pwede naman daw na wag na siya tumakbo sa 2010 at manood na lang sa mga pangyayari. Noong unang blogger event nga namin sa kanya dati pa, sinabi niya sa amin na pag natalo siya sa pagtakbo ng Presidente sa 2010, titigil na siya sa politics. Mag reretire na lang daw siya at mag nenegosyo or mag pra-practice ng law.

Ang isa pang pwede niya gawin ay mag declara ng support para sa ibang Presidentiable. Nung tinanong ko nga siya kung may posibilidad ba na suportahan niya na lang si Senador Noynoy Aquino ng Liberal Party, ang kanyang sagot ay "Headed towards that direction..." o papunta na daw siya dun. Eto, panoorin nyo 'tong video ng interview ko sa kanya.

Adobe Flash Player not installed or older than 9.0.115!

Wow... kapag mangyari nga ito na i-endorse niya si Noynoy, siguradong mas kakabahan ang mga grupo nila Senator Villar, President Estrada, and Sec. Gilbert Teodoro. Hawak ni Chiz ang boto ng kabataan at magandang percentage ng opposition vote. Kapag nalipat niya ito kay Noynoy, talagang malaking bagay yun.

So ano na ba talaga Chiz? Parang mas lalo pa talaga kami naguluhan, hehe.

Ayon kay Chiz, makakapag desisyon siya "internally" pagdating ng November 15. 2009. Pakiramdam ko mayroon na 'tong plano, di lang niya sinasabi kasi baka may sinisigurado pa siya.

Isa lang ang masasabi ko... kung meron mang sigurado sa pulitika ng Pilipinas, yun ay ang katotohanan na wala talagang sigurado. Andami pa pwedeng mangyari sa mga darating na araw.

Photo by Noemi Lardizabal-Dado. Some rights reserved.

Video by author.